11 خروجة في الزقازيق، دليل الأماكن الترفيهية وألعاب الأطفال في الشرقية

خروجة كالعادة بتقدملك باختصار الأماكن اللي تقدر تزورها وانت مطمن انك هتطلع (مبسوط، وفرحان، وكُلك نشاط) مع ترشيحات أماكن ترفيهية وألعاب وخروج غير عادية مليانة سعادة وفي قمة الأمان وبتكلفة وأسعار متنوعة ومُمتازة، مبقاش شرط تروح للقاهرة أو مكان بعيد علشان تعيش أجواء فسحة حلوة وخروجة وسهرة ممتعة. في الموضوع دا هنتكلم عن 11 خروجة في الزقازيق والشرقية أسرية ولطيفة، بنتكلم عن 3 أقسام للخروجات في الزقازيق مابين حدائق وكيدز اريا وملاهي ونشاطات ترفيهية مختلفة.

اولا الكيدز اريا:

The Clown Kids Area

كيدز اريا فيها انشطة ترفيهية وتعليمية مميزة للطفل بأسعار مناسبة، وفيها منطقة انتظار ومشرفين هتقدر تسيب اطفالك يلعبوا وانت مطمن عليهم كمان فيه منطقة مشروبات للمرافقين وغير منطقة الالعاب المغلقة في حديقة صغيرة ملحقة بالمكان. اضغط هنا للمزيد

كيدز تاون

ب 50 جنيه بس في الساعة كيدز تاون كيدز اريا جمعت بين كل الأنشطة الترفيهية والتنفيس عن الأطفال في ألعاب مختلفة وبين التعلم وتنمية المهارات، مكان راقي جدا وأصحابه متعاونين لأبعد حد وتقييم معظم رواده بأعلى تقييم. اضغط هنا للمزيد

أكشن زون

كيدز اريا وملاهي للأطفال مش بس الصغيرين خالص كمان يناسب مراحل عمرية مختلفة للأطفال مع نشاطات جامدة وكمان رياضية وتعليمية، وأسعاره بتبدأ من 70 جنيه ومكانه ميتوهش! اضغط هنا للمزيد

FUN CITY فن سيتي

فن سيتي الزقازيق في شارع مدير الأمن بجوار مطعم البارون أمام النادي الزراعي خروجة حلوة ومكان للعب للصغار والكبار، مش مقتصر على الأطفال بس مكان مغلق وآمن ولذيذ وهتقضي فيه وقت ممتع مابين ملاهي وألعاب الكترونية وألعاب حركية. اضغط هنا للمزيد

دودي كيدز استيشن

منطقة ألعاب بأقل سعر للساعة في الزقازيق كلها مع ألعاب متنوعة ومختلفة ومساحة ممتازة للتنطيط وسعادة اطفالك الصغار المكان غير انه منطقة العاب إلا انه كمان بيوفر مكان كحضانة للأطفال ومناسب من سنة ونصف لحد سن 12 سنة .اضغط هنا للمزيد

جنجل واي

لو عايز مكان يلعب فيه أطفالك وفي نفس الوقت يكون فيه مساحة للترفيه عن نفسك باردو يبقا جنجل واي وجهتك مكان لطيف بأفكار ألعاب مختلفة ومتنوعة ومنطقة للكبار ومنطقة للصغار بأسعار تبدأ من 50 جنيه. اضغط هنا للمزيد
ثانيا الملاهي :

ملاهي سانتوس

ملاهي سانتوس مشهورة في الزقازيق خروجة بسيطة وعلى قد الايد ومناسب للصغار فقط . اضغط هنا للمزيد

scream house

لعشاق الاثارة والمغامرة واجواء الرعب هتقدر تعيشها في خروجة سكريم هاوس في الزقازيق، مع اثارة لا متناهية بتكلفة قليلة جدا غير العروض ال دايما المكان بيقدمها وجاذبة جدا لزوار المكان. اضغط هنا للمزيد

freefall trampoline

المكان الوحيد في الزقازيق كله المتخصص في trampoline وتقدر تعيش فيه اجواء من التنطيط والسعادة للصغار والكبار لو عايز نرشح لك خروجة مليانة تنطيط وتنفيس عن أي طاقة سلبية، بدون اي كلام هنا وجهتك الرئيسية. اضغط هنا للمزيد

ثالثا الحدائق :

حديقة الطفل في الزقازيق

الحديقة أسعارها حلوة مع تواضع الامكانيات فيها لكنها متنفس كويس خصوصا في المناسبات والأعياد وفيها ركن لملاهي للأطفال، بعض الناس بيشتكي منها ومن تواضعها خصوصا الحمامات العامة وانها مش مناسبة للاستخدام قوي.. اضغط هنا للمزيد

حديقة الحيوان في الزقازيق

بتذكرة دخول 5 جنيه هتدخل حديقة الحيوان في الزقازيق، خروجة للصغار والكبار وهتقدر تستمتع برؤية حيوانات مختلفة، رغم ان معظم الاراء السلبية عن المكان انه الحيوانات فيه هزيلة، إلا انه هتقدر تتمشى في مساحات خضراء وهتلاقي اماكن تقعد فيها وسط اسرتك، كمان متوفر داخل الحديقة مطاعم. اضغط هنا للمزيد
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -