فاميلي كيدز العبور، خروجة للأطفال قمة في الروعة

أماكن خروج للاطفال في العبور

في هذه المراجعة سنتعرف أكثر على فاميلي كيدز العبور المتواجدة باستراحة (بيت العائلة ) مدينة صغيرة للأطفال جميلة تستمتع فيها برفقة طفلك وتقضي وقتا ممتعا وآمنا ومفيدا.. الأسعار، ومواعيد العمل ومزيد من التفاصيل في المراجعة التالية

الموقع: مدينة العبور

المواصلات: 20 دقيقة من السلام

الأسعار: من 100 جنيه

المواعيد: من 3 مساء : 12 صباحا

الأيام: كل الأيام

فاميلي كيدز العبور خروجة للأطفال في مدينة العبور مليئة بالمتعة والمرح واستطاع أصحاب المكان أن يمزجوها بالتعلم كمان، الطفل هيلعب وهيتبسط وهيتعلم حاجات كويسة في بيئة محفزة جدا، باختصار.. التكت اللي هتدفعه في فاميلي كيدز العبور يستاهل


أماكن للخروج في جمعية عرابى

العبور .. جمعية أحمد عرابي، بوابة 6 داخل كافيه بيت العائلة، المكان آمن جدا خصوصا منطقة ألعاب الأطفال اللي مُحاطة بسور وعليه أمن وداخل منطقة الألعاب موجود شباب وبنات لُطاف جدا بيتعاملوا مع الأطفال وياخدوا بالهم منهم وكمان بيلاعبوهم 


المكان في أوقات كتير جدا بيقدم أنشطة واحتفالات وألعاب ومسابقات خصوصا في فترات الصُبح، بيشارك فيها كل الأطفال الموجودين في منطقة الألعاب دي

أماكن العاب في العبور

من أكتر حاجة بتميز المكان أنه مش مجرد ألعاب بس، لأ موجود ألعاب تعليمية ممتازة وكمان مكتبة وأدوات وآلات يقدر الطفل ينمي من خلالها موهبة أو يكتشف موهبته إيه 


التكت ب 100 جنيه ومسموح بمُرافق واحد فقط مع الطفل وإذا هيدخل مرافق ثاني بيدفع 50 جنيه، بتقضي وقت ممتع جدا مع طفلك في مكان آمن وجذاب


موجود في المكان زي أقفاص صغيرة فيها حيوانات علشان الطفل يتعامل معاها ويتفاعل ويشوفها عن قرب وكمان يأكلها، موجود في  فاميلي كيدز العبور تسالي للأطفال، غير الكافيه ( بيت العائلة ) اللي متوفر فيه قعدات للكبار وأكلات ومشروبات



فاميلي كيدز العبور من الأماكن الجميلة اللي قدرت تحقق المعادلة الصعبة لعب وتعلم ، وهتضمن انبساط ابنك بمجرد دخوله المكان، موقع خروجة قيّم المكان ب 9 من 10


انت كمان هنستنا رأيك تشاركنا بيه لو روحت فاميلي كيدز العبور

رابط التوجه إلى فاميلي كيدز العبور

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -